Iruñeko aireportuak %18ko hazkundearekin itxi du 2019a: 242.520 bidaiarik erabili dute aireportua. Urte osoan 6.135 hegaldi egin dituzte, aurreko urtean baino %4,5 gutxiago, AENAk astelehen honetan emandako datuen arabera.
Abenduan 19.324 bidaiarik erabili dute Nafarroako aireportua, 2018ko epe berean baino %35,6 gehiagok; aireontzien mugimenduak %1 egin du behera, eta 413 lurreratze eta aireratze operazio izan dira.
Frankfurt, Kanaria Handia eta Madril hiriekin egiten du lotura Noaingo aireportuak.
