Iberoko zubia bost astez egonen da itxita

Arakil ibaiaren gaineko zubia konpondu eta sendotzeko obrek, arazo garrantzitsuak eragingo dituzte Iruñea eta Etxauri lotzen dituen  NA-700 errepidean, erabat itxita geratuko baita bidea.

Lan garrantzitsuak Arakil ibaiaren gaineko Iberoko zubia erreforzatzeko. Bost aste luzez egonen da itxita NA-700 errepidea Iberotik aurrera. Honela, Etxauri, Elio eta Etxarriko herrietara heltzeko eta Girgillanotik Gareserako errepidera ailegatzeko, bestelako bideak erabili beharko dira. Nafarroako Gobernuak, Ororbia eta Paternaindik, Belaskoaingo mendatean zehar joatea proposatzen dute, NA-7015tik alegia.