Euritea Iruñerrian: 30 litro metro karratuko, ordu erdian

Ura ateratzeko hainbat irteera egin dituzte suhiltzaileek.

Bustirik esnatu dira Iruñeko merindadeko herri gehienak. Goizaldean eurite kopurutsuak erregistratu dira. AEMETen arabera Elon, esaterako, 48 litro pilatu dira metro karratuko; Urbasan, 36 eta Noainen 27. Iruñerrian ere gogotik bota du. Mutiloan 35 litro pilatu dira metro karratuko, ordu erdian. Nafarroako Unibertsitate Publikoan, 31 litro. Cordovilla, Eskirotz, Barañain eta Beriainen arazoak eragin ditu euriteak.