Villavesetako txartelak mugikor bitartez kargatu ahalko dira

Erabiltzaileek telefono aplikazio baten bidez kargatu ahalko dute beren autobus publikoetarako txartela. “Recarga TUC” izena darama zerbitzu honek eta momentuz soilik Android sistema eta NFC teknologia duten mugikorretan erabili daiteke. Iruñerriko Mankomunitateak bere zerbitzuak hobetzeko berrikuntza teknologikoen erabilpenaren programan emandako aurrerapausu berria da.

Aplikazioa erraza da. Behin mugikorrean instalatuta, erabiltzaileak bere txartela gerturatuko du mugikorrera eta honek chip-a irakurrita datuak irakurriko ditu. Txartelaren saldoa azalduo da eta baita diru gehiago sartzeko aukera, beti bankuko kontu korronte bati lotuta.

Iruñerriko Mankomunitatea teknologia berriak erabiltzen ari da bere zerbitzuak hobetzeko. Recarga TUC zerbitzu honetaz gain, doako wi-fi sarea ere jarri du Unibertsitate Publikorako autobusetan eta Zizur eta Sarriguren lotzen duten villavesetan.