Estatu osotik etorritako 1000 gimnasta aritu ziren joan den asteburuan Navarra Arenan ospatutako txapelketan. 104 klub bildu ziren bertan, horietako 5 nafarrak. Duela 13 urte ospatu zen azken aldiz txapelketa honen finala Iruñean, Anaitasunan, zehazki.
Aurten Alaia junior taldeko gimnastak izan ziren nafarren artean emaitza onenak lortu zituztenak Espainiako Gimnastika Erritmikoko Txapelketa honetan. Aintzane Olaizola eta Naroa Idoate gazteak talde honetako kideak dira eta haiek azaldu digute ‘Kirol Txiki, esfortzu handi’ tartean, nola joan zen topaketa.
