Aralar mendiguneaz aritu gara gaur, Ion Fontenla Aralar dokumentalaren zuzendarietako batekin. Zinema gaiak ere landu ditugu Beñat Iturberekin. Prisziliano kazetari bitxiak egoera deserosoei buruzko atala eskaini digu. Amezti.eus-eko Itziar Perezek Ultzamaldeko berriak gerturatu dizkigu. Juanjo Elizalderekin Maingenea baserri ekologikoan egiten duten lana ezagutu dugu. Nabarraldeko Anjel Rekalde eta Aitziber Imizkoz ere plazatik pasa dira. Solasaldi batekin amaitu dugu saioa: Mikel Haranburu eta Edurne Senosiain izango ditugu plazan.
