19 lan aurkeztu dira aurten 22 toki entitatek eta Pamiela argitaletxeak antolatzen duten Etxepare sari honetara. Lehiaketa hau 2004an sortu eta 2006an erabaki zuten haren helburua haurrentzako album ilustratuak sortzea izanen zela.
Aurtengoa argitaratzen duten hamabigarren albuma izanen da.
Lan honetan Dani Martirena idazle eta kazetari legasarrak testuak egin ditu eta Ana Ibañez bere bikotekideak ilustrazioak. Ez da lehen aldia elkarrekin lan egiten dutena, izan ere bi liburu haien kabuz argitara emanda dituzte eta. Etxepare lehiaketahonetan ere ez dira berriak, hau baita aurkezten diren bostgarren aldia.
Epaimahaian Leire Bilbao idazlea, Leire Salaberria ilustratzailea eta Asun Agiriano haur bibliotekaria izan dira. Haien esanetan lan honetan poesia, umorea eta jolasa biltzen dira haurrek naturan jolasteko duten eskubidea aldarrikatzeko. Honetarako Italo Calvinoren ‘Il barone rampante’ liburu ezagunaren erreferentzi a erabili eta gaurkotu dute.
