Berdintasuna maite dugu
baina soilik egiazkoa;
berdinak ginen baina batzuk
baino berdinagoak;
ta gauzak jarraitzeko berdin
gu prest ez gaude inolaz,
beraz, berdin baldin bazaizu
kanpó geratzera zoaz.
Mundu berria eraiki,
bermatu geroa,
morez tindatúta
baita ederragoa!
Irria ezpainetan,
fuera beldurrak neska,
azken matxista horiek
daitezela kezka!
2 )
Histórian arrek hartu eta
emeek aldiz beti eman,
justíziaren tenoreá da
altxa bandera, aizan!
Biba beti emakumeak,
atsooo eta neskatilak,
mundua gure_eskutan dago
jende gehiago baikara.
Askatasuna hemen da,
nahi dunak har beza,
kateak hausteko
obarioak behar dira.
Ez guri deus eman,
geu hartzera goaz...
Altxa ahizpa guztiak
Biba ahizpatasuna!
3 )
Adi matxirulo bizkarroi,
argi bekizu mezua,
finitu da barrabilekin
pentsatzeko denbora!
Finean denak dira arraultzak,
zureak eta obarioak,
bost axola zaigula, beraz,
hankartean daukazuna.
Dágigun lan andreok,
gaur betí bezala,
greba egiten ere,
lanean gaudela.
Etorkizuna denon
eskubidea da...
emakumeok har dezagun
dagokigun dena.