Siñar hitzak izan esan nahi du kalo hizkuntzan. Zubia izateko helburutik sortu zen, hain zuzen ere, elkartearen izena orain dela 15 urte. Geroztik hamaika ekimen antolatu izan dituzte haur eta gaztetxo guztientzat. Maiatzaren Lehena plazan dagoen leiho eta ate urdineko etxetxoan dute egoitza. Ludotekak, ateraldiak eta kanpaldiak dira, gehienbat, elkarteak eskaintzen dituen zerbitzuak, baina baita eskola laguntza saioak eta egoera zailean dauden familien haur eta gazteen gizarteratze jarduerak ere.
10 urteko hiru neskatila hauek Siñarzubiko lagunak dira. Haiek haien esperientziak kontatzeaz gain, adierazi nahi zieten iruindar guztiei zer nolako elkartea den hau eta horretarako hemen, Euskalerria Irratian, elkarrizketa egitea proposatu ziguten. Bikain!
