Malkaitz mendia. 772 metro.
Malkaitz mendia Aranguren mendilerroaren hasiera da, berez Egues haranean kokaturik dago eta Sarrigurendik oso gertu. Oso mendi erraza da eta biderik motzena 30 bat minututan egiten ahal dugu, Ardanatz herritik abiatuta. Sarrigurendik igotzeko berriz, denbora gehiago beharko dugu, baina hori ere oso erraz egin daiteke.
Mendia itxurez oso polita da. Urrutitik bere punta zorrotzarengatik ezagutzen ahal dugu. Tontorretik dagoen ikuspegia ere ederra: Iruñerria eta, bereziki, Sarriguren herria.
