Astelehenean frekuentzia berrian ekinen dio Euskalerria irratiak bere uhinak zabaltzeari: FM 98.3 izanen da maiatzaren 30etik euskaldunen tokiko informazioa jasotzeko diala. Legezkotasun eta indar osoz ekinen dio frekuentzia berrian 28 urteren ondoren.
Egun handia izanen da Iruñerriko euskaldunontzat, euskaltzeleentzat eta oro har demokrazia zaleentzat. Ospa dezagun selfie-ak eginez! Erakutsi zure poza! Egin argazkia irratia entzuten, eta igo sare sozialetara #983GureaDaFrekuentzia traolarekin edota bidali whatsapp-a 608918996 zenbakira.
Astelehenetik aurrera Euskalerriairratia.eus webgunean eta sare sozialetan zabalduko ditugu jasotzen ditugun selfie guztiak! Animatu eta erakutsi zuen poza!