Ikurrina jartzeagatik Berriozarri jarritako salaketa atzera bota du epaileak

Euskalerria Irratia 2016ko ots. 26a, 14:10

EH Bildu "pozik" azaldu da erabakiarekin, Estatuko Abokatutzaren salaketa epaitegiek bertan behera utzi ondoren. Festetan ikurrina "sentsibilitate guztiak errespetatzeko" jarri zuela dio.

"Ezbairik gabe, ikurrina herritarren parte handi batek bere sentitzen duen sinbolo bat da, eta publikoki erakustea guztiz normalizatuta dago gehiengoarentzat. Elkarbizitzan aurrera pausoa suposatzen du, eta gure gizartearen aniztasunaren erakusgarri da", esan du EH Bilduk, prentsa ohar baten bidez.

UPNk gaia "konfrontaziorako" erabiltzen duela salatu, eta kritikatu du sinbolo baten kontra "obsesioa" duela. Horregatik, agintean egon diren bitartean erregionalistak "sektarismoz" jokatu dutela esan du.

Azkenik, Sinboloen Legea aldatzeko lan eginen duela iragarri du Bilduk, "gizartean bizi diren sentsibilitate guztiak ordezkatuak senti daitezen".

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!