Iruñea eraldatu eta hobetzeko programa adostuko du EH Bilduk larunbatean Zentral Kafe Antzokian. Ekitaldia eginen dute herritarrekin batera programa zehazteko. Hilabete baino gehiago darama koalizioak herritarrekin bildu eta proposamenak jasotzen. Orain, guzti horiek aztertu, finkatu eta programa zehazteko unea iritsi da. Horretarako larunbatean dute hitzordua.
Joseba Asironek, EH Bilduren hautagaiak Iruñeko Udalerako, esan du 11 direla proposaturiko proiektuak hiru adarretan sailkatuak: elkargunearen eta askatasunaren hiria da lehena, hiri jasangarri eta justua bigarrena eta sorkuntzaren eta berrikuntzaren hiria azkena. "EH Bilduk Iruñea eraldatu eta hobetzeko proposamen ugari ditu eta udal programa auzolanean osatzen ari gara, auzoetan zein hiri mailan prozedura parte hartzailea garatuz", azpimarratu du Asironek.
Iruñea eraldatzek,o auzo bilguneetan jasotako ekarpenak eta auzolanean landutako programa zehaztuko du EH Bilduk larunbatean, Zentral Kafe Antzokian goizeko bederatzi terdietatik aurrera.
