Hirugarren urtez antolatu dute Iruñaldia jaialdia. "Euskaldunentzat ez ezik, euskaldunak ez direnentzat ere euskarazko kultur erreferentzia bat izatea" da helburua, Amaia Ocerinek azaldu digunez. Hala, diziplina artistiko ugari bildu dituzte programan: antzerkia, bertsolaritza, musika, kantua, literatura, dantza... eta programazioa osatzeko, hainbat irizpide hartu ditugu kontuan. Batetik, gaur egungo proposamenak izatea; bestetik, nolabait berritzaileak eta desberdinak izatea.
Euskalerria Irratitik hasi eta Iruñeko gune ezberdinetara zabalduko da kultur-eskaintza. "Guretzat ezinbestekoa da hiriko espazio desberdinetara heltzea, eta euskaraz egiten diren kultur proposamenak ahalik eta leku gehienetan egotea", esan du Ocerinek. "Guretzat kultura esperientzia bat da, eta, batez ere, gozatu egin behar da. Horregatik, jendea gonbidatu nahi dugu proposamen berriak ezagutzera" gehitu du.
Iruñaldia 2026 programa. Azaroaren 5etik 14ra:
- Azaroak 5, osteguna
- DJ festa, musika eta irudia jauzika, Iker Oiz, Martintxo Etxauri Txo eta Adriana Urmeneta. Euskalerria Irratian, 19:00etan. Doan
- Gau-pasa Kluba, Irati Jimenez. Katakraken, 20:00etan. Doan
- Azaroak 6, ostirala
- Umore-bakarrizketa eta dastaketa-esperientzia, Ane Lindane. Geltokin, 20:30ean. Prezioa: 25 euro
- Azaroak 7, larunbata
- Amour, Marie de Jongh. Familia-antzerkia. Pompelo Civivoxean, 19:00etan. Prezioak: 10 eta 8 euro
- Azaroak 8, igandea
- Ez gara dena ahazteko nahikoa biziko, Gotzon Barandiaranen Galbahea liburuaren inguruko poesia eta musika. Nafarroako Antzerki Eskolan, 19:00etan. Prezioak: 10 eta 8 euro
- Azaroak 10, asteartea
- 1:1 Eskala, musika eta bertsolaritza Olatz Salvadorren eta Alaia Martinen eskutik. Laban, 19:30ean. Prezioak: 10 eta 8 euro
- Azaroak 12, osteguna
- Amaitasunaren lorratzak, musika eta poesia Maddi Etxeberriaren eta Txomin Hegiren eskutik. Karrikirin, 19:30ean. Prezioak: 10 eta 8 euro
- Azaroak 13, ostirala
- Nogen. 10. urteurrena kontzertua. Gayarre antzokian, 20:00etan. Prezioak: 15 eta 12 euro
- Azaroak 14, larunbata
- Aztarnak. Mihise gaineko dantza, Kresala Dantza Taldearen performancea. Udaletxe plazan, 12:30ean. Doan
- Lur kontzertua, Maddi Oihenart eta Juantxo Zeberio. Pompelo Civivoxean, 19:30ean Prezioak: 10 eta 8 euro