Hilabeteari hasiera emateko, Rosa Barasoain idazlearen Entre los árboles liburuaren aurkezpena antolatu dute azaroaren 4an. Liburuaren pasarteak irakurriko ditu egileak, zuzeneko musika entzuten den bitartean.
Azaroaren 6an berriz, Ane Lindaneren bakarrizketaz gozatzeko aukera izango dugu Iruñaldia zikloaren barruan. Arratsaldeko 20:30etik aurrera izango da eta afari goxoa dastatu ahal izango dute hurbiltzen direnek.
Azaroaren 12an, dastaketa konbinatua izango da 19:00etan. Bertan, ardo ekologikoa eta artisau-gazta eskainiko dira.
Hilaren 13an, REASen eskutik Auditoretza Sozialaren Festa ospatuko da eguerdian. Arratsaldeko zortzietan berriz, Nora Vocal Trio musika taldearen debuta ikusi ahal izango dugu oholtza gainean.
Azaroaren 19an eta EHGAM Nafarroak antolatutako Xoka-Jite disidenteak jardunaldien barruan, Bitxodromoa, kalaka queer gunea antolatu dute. Solas-dinamikak, DJa eta askari mundiala eskainiko zaizkie hurbiltzen direnei.
Azaroaren azkeneko astean, Lo imposible se hace realidad haurrentzako magia-ikuskizuna, Everybody needs... Insania! komedia eta musika ikuskizuna eta jauzi-saio bat antolatu ditu Geltokik.
Egutegia osorik dago ikusgai www.geltoki.red webgunean.
Euskalerria Irratiko Bigarren Solairua saioan Amets Aznarez, Geltokiko kultur programatzailea izan dugu gonbidatu, ekitaldi nagusiak errepasatzeko asmoz.