La Pamplonesako egoitzara hurbildu gara, igande honetan Gayarre antzokian eskainiko duten kontzertu berezirako entseguan parte hartzen ari baitira La Pamplonesa eta La Mala Pekora taldeak. Elkartasun kontzertuaren helburua Nafarroako Esklerosi Anizkoitzaren Elkarteari laguntzea da.
Lehen kontzerturako sarrera guztiak agortu dira, eta, horren aurrean, bigarren emanaldi bat antolatuko dute. La Pamplonesako egoitzan, bi taldeekin musikaz gozatzeko aukera izan dugu, baita kontzertuko zuzendari gonbidatua den Ane Legarretarekin hitz egiteko ere. Horrez gain, David Garnato Nafarroako Esklerosi Anizkoitzaren Elkarteko lehendakaria ere izan dugu gure estudioan, ekimen honen garrantzia eta elkartasunaren balioa ezagutzeko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.