Negu Gorriak kolektiboak hiru urte beteko ditu kalean dauden bizilagunei babesa ematen, Iruñean bereziki. Gurean bere lanak oihartzuna izan badu ere, azkeneko egunetan Ceutan izandako istiluengatik ezagutu dute Nafarroatik kanpo askok elkarte honen lana. Igande arratsaldean, manifestari talde batek Ceuta Ya alderdiko diputatu baten kotxea txikitu zuen manifestari talde batek, ustez Negu Gorriak elkarteko kideak zirelakoan. Erasotzaileek elkarretaratzea egin zuten Ceutako portuan, migratzaileentzako laguntza humanitarioarekin iritsi beharreko furgoneta erasotzeko asmoarekin. Ekintza antolatua eta sare sozialetatik okerreko informazioa zabalduz berotutakoa. Euskalerria Irratiko Guardasola saioan Samira Calvo, Negu Gorriak-Derecho a techo elkarteko kidearekin hitz egin dugu.