Marcelo Zelaieta karrikako 74. zenbakian otsailean El Hadji gune autogestionatuak zabaldutako gimnasio komunala husteari ekin dio Iruñeko Udaltzaingoak.
Iruñeko Udaltzaingoa Arrotxapea auzoko Muskerra gimnasio komunala husten ari da une honetan. Hala salatu dute sare sozialen bidez El Hadji gune autogestionatuak eta Arriasko Gazte Langileen Asanbladak.
Herritarrak Marcelo Zelaieta kaleko 74. zenbakira bertaratzeko deia egin dute Arrotxapeko bi kolektiboek. Muskerra izeneko espazio okupatua joan den otsailaren amaieran ireki zuten El Hadji guneko kideek, eta ordutik doako kirol-jarduerak eta entrenamenduak eskaintzen aritu dira.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.