Nafarroan jaio edo bertan bizi diren egileei zuzenduta dago, eta jatorrizko, gai libreko eta argitaratu gabeko lan bakarra aurkezten ahalko dute modalitate bakoitzean, urriaren 26ra arte.
Poesiako modalitatean, lanek gutxienez 200 bertso izan behar dituzte, eta narrazioek, gutxienez, 15 orrialde. Lehen saria 2.500 eurokoa da, bigarrena, 1.000 eurokoa eta hirugarrena, 500 eurokoa, eta aipamenak 500 euroz hornituta daude.
Egileek ezin izanen dute lanik aurkeztu, beren izenpean literatur liburu bat baino gehiago argitaratu edota aurreko bi ediziotan modalitate berean lehen saria jaso badute.
Lehiaketaren epaimahaiko kide izango dira Inma Errea Cleix idazle eta itzultzailea, Ángel Erro Jiménez poeta eta itzultzailea eta Izaskun Etxeberria Zufiaurre idazle eta irakaslea.
Saria ordainduta, Iruñeko Udalak saritutako obra argitaratzeko aukera eskuratuko du. Lehiaketaren oinarriak Iruñeko Udaleko webgunean daude ikusgai eta lanak aurkezteko epea, urriaren 26an amaitzen da.