Sustrai afroamerikarretan oinarritutako musika du abiapuntu White Carters taldeak, eta gaur egungo Funk-aren soinura jauzi egiten du. Donostiako Musikenen ikasi eta trebatutako gazteez osatuta dago taldea: Xabier Aguado tronpetan, Izan Quintela saxofoian, Oier Alberdi eta Iker Toribio gitarran, Cristina Pascual baxuan, Alejandra Bartolome kantuan eta Ager Alzola baterian eta koruetan.
Bertsioak egiten hasi ziren eta orain abesti propioak sortzen hasi dira. Urtarrilean Dayum abestia kaleratu zuten eta duela hilabete Tunais Denais. Beren lehenengo diskoa ere prestatzen ari dira, irailean kaleratuko dena.
Maiatzaren 15ean Laban entzuteko aukera izango dugu. Irrintzi Plazara hurbildu da Ager Alzola taldeko kidea.