Baratzondo ataleko kideek prest dute jada haien baratzea udaberri sasoirako. Artoa eta babarrunak landatu zituzten eta hazitegiak prest daude. Maiatzaren 15etik aurrera auzolanean landatuko dituzte gainerako produktuak. Bestetik, Nafarroako Gazteria Institutuaren laguntzari esker proiektu berri bat dute eskuartean @lamutilhuertako kideak. Mendillorri auzoan martxan jarriko duten herri baratzari bizia emateko komunitatea sortuko dute. Eta proiektuaren hasiera behar bezala ospatzeko Baratza Festa antolatu dute ekainaren 13an. Euskal Herriko ekoizle, nekazari eta abeltzain gazteak bilduko dituzte bertan. Irrintzi Plaza saioan, Aitor Gartziak eta Eider Etxeberriak beren baratzeko nobedade guztiak kontatu dizkigute.