Txalaparta doinuan nonahi entzungo dira larunbatean Iruñeko Alde Zaharrean. Iruñeko 21. Txalaparta topaketa antolatu dute Nafarroako hainbat txalapartarik eta egitarau zabala prestatu dute. Hamaiketakoa Arranon hartuko dute, Iruñeko Txalapardown taldearen laguntzarekin. Ondoren, kalejira abiatuko dute albokarien laguntzarekin artxibo ingurura. Bertan, Buztintxala taldearen emanaldiaz gozatzeko aukera izango dute hurbiltzen direnek. Bermutaren orduan, Tarragonatik etorritako Txek taldeak alaituko du Zaldiko Maldiko elkartea. Bazkariaren ostean, azkeneko urtean joan diren hainbat txalapartari omenduko dituzte. Arratsaldean, hiru emankizun antolatu dituzte: Laban, Lizarrara Txalaparta elkartea arituko da; Piparrikan, Zu eta ni?; eta azkenik, Montonen, Txalamakok eta DJ Jo ta txok emango diote bukaera jardunaldiari.
Euskalerria Irratiko Irrintzi Plaza programan Anai Ganbra eta Galo Santamaria gonbidatu ditugu, egitaraua aletzeko.