Iruñeko hirugarren zabalgunean kokatuta dagoen Iturrama auzoan izan da Euskalerria Irratia gaur. Amaiur Ikastolak 40 urte bete ditu eta horren kontura bi orduko saioa egin dugu bertatik. Ikastetxea osatzen duten komunitateko kide hainbat izan ditugu gure artean: Maider Aldaia zuzendaria eta Amaia Faber ikasketa burua; Ana Iribar eta Ixabel Jauregi irakasle ohiak; Haritz Pascual Atariandia Kultur Elkarteko kidea; Pello Eguren eta Expe Iriarte zuzendari ohiak; Mikel Alzorriz eta Iñaki Valverde gurasoak eta haiekin batera Markel Flores eta Martin Ziriza kantari eta ikasle izandakoak. Ikastolako LH 4, LH 5 eta LH 6 mailetako ikasleekin hitz egiteko aukera ere izan dugu.
Euskalerria Irratiko Metropoli Forala saio berezia hemen duzue entzungai!