Abertzale bretoiekin izandako harremana “erabakigarria” izan zen Jon Miranderen pentsamoldea moldatzeko, Mikel Sotok dioenez. XX. mendeko euskal idazle esanguratsu eta polemikoaren lanetan gai eta ikuspegi anitz gurutzatzen dira, besteak beste paganismoa, abertzaletasuna eta sexualitatearen inguruko auzi konplexuak. Sotok Miranderen irudi ahalik eta osoena eta fidelenetakoa eskaintzeko apustua egin du Mirande. Herriminez, ezin-minez saiakeran.
Jon Mirande XX. mendeko euskal idazle eta olerkari nabarmenetako bat izan zen, eta euskal literaturan molde modernoago eta abangoardisten sarrera bultzatu zuten egileetako bat ere bai. Sotok Miranderen ipuin, gutun eta poema argitaragabeak berreskuratu ditu, eta Miranderen pentsamenduaren irakurketa xehea proposatzen du. Nafar jatorriko idazlea da Soto, historian lizentziatua, eta hamahiru urtez Txalaparta argitaletxeko editore izan zena.