Azaroaren bukaeran hitz egin genuen azkeneko aldiz @lamutilhuerta-ko lagunekin Baratzondo atalean. Ordutik hona lan handia egin dute Ollokin lantzen duten lursailean. Zehazki, lurzorua prestatzen aritu dira ahalik eta uzta gehien jasotzeko udaberrian eta udan. Garziak kontatu digu zenbait landarek nitrogenoa finkatzen dutela lurrean eta honek aberasten duela lurzorua, bakteriekin sinbiosia eginez. Babak eta ilarrak landatu dituzte, ilargira begira. Nekazaritza birsortzaileaz ere mintzatu da Aitor Garzia Irrintzi Plazako Baratzondo atalean.