Hamaikagarrenez iritsi da Iruñera Mendi Tour zikloa, Golem Baiona zinema aretoetara. Alpinismoa, eskalada, eskia, mendi lasterketak, espeleologia, parapentearen inguruko 12 pelikula programatu dira, joan den abenduan BBK Mendi Film Bilbo Bizkaia jaialdian sarituak eta nabarmenduak izan zirenak. Gidoi bikainak, argazki ederrak, inspiratzeko soinu-bandak… hain modan dagoen genero zinematografiko honetako zuzendari gorenen eskutik. Eta gainera, bi aukera egongo dira egunero filmak eta dokumentalak ikusteko. Arratsaldeko 5.30etan eta 8.15etan. Aurtengo proposamenaz hitz egiteko Aitor Elduaien Mendi Tour zikloko komunikazioa arduradun eta aurkezlea hurbildu da Irrintzi Plaza saiora.