Maria Ana Sanz ikastetxean Informatika ikasketak egiten ditu Ieltxuk eta Aitanak San Fermin Ikastolan Digitalizazioa izaneko ikasgaia egiten du. Hartara, biek egin dute bat Sarean Euskaraz jardunaldietan. Hala ere, haien errealitate teknologikoa bestelakoa da.
Ieltxuk ez du sare sozialik erabiltzen. Aitana ordea, ahal duen guztietan aritzen da. “Nik ez dut joera hori izan. Herri batean bizi naiz eta hor ez dago sarerik”, azaldu du Ieltxuk. “Sare sozialek zein jabe dituzten dakidanez, ez dut hor sartu nahi”, gaineratu du. Aitanak berriz, sareak maite ditu eta guztiak ditu. Hala ere, horrek sortzen dion menpekotasunaz kontziente da, “ez da oso ona, baina sartzen zarenean ezin zara atera”.
Mugikorraren erabilpena eta segurtasunari buruzko saioak jaso dituzte biek ala biek eta nabarmentzekoen artean, “Wifira konektatzen zarenean zuri buruz lortu ahal dituzten datu guztiak” azpimarratu dute. Aitanak ere, sareetako segurtasuna eta pantailaz bestalde egiten diren iruzkinen inguruan egindako hausnarketa nabarmendu du, “jendea ez da oso kontzientea eta bitan pentsatu behar duzu zer egiten duzun”.