“De cuando existía el purgatorio” antzezlana taularatuko dute Katakraken. Telebista plato baten itxura hartuko du oholtzak. Bertan, generoaz eztabaida pizten da. Iritzi oso ezberdinak dituzten protagonisten artean talka sortzen da. Genero autodeterminazioa egungo patriarkatua suntsitzeko tresna egokia izan daitekeela iradokitzen du lan honek. Danel Galdaerak eta Asier Rikarte aktoreek eman dizkigute xehetasunak Metropoli Forala saioan.
Ostegunean eta ostiralean, arratsaldeko zazpietatik aurrera, 'De cuando existía el purgatorio' espektakulua ikusgai izanen da Katakrak espazioan. Ideologia feminista, erlijioa eta salaketa soziala muinean ditu lan honek. Umorea eta drama uztartzen ditu lan honek.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.