Iruñeko Udalaren aurkako kexa bat erregistratu dute memoriaren elkarte eta frankismoaren biktimen talde zenbautek. Duela lau hilabete Udalean bertan eskaera bat erregistratu zuten talde horiek eta ez dute erantzunik oraindik jaso: "Bizkar ematen ari zaigula iruditzen zaigu. Badakigu, erantzuna ezezkoa izanen dela, seguruenik. Baina arrazoiak ezagutu nahi ditugu", azaldu du Koldo Amatriak elkarte horien izenean. Frankismoa goratzeko eraikitako monumentua eraistea beste aukerarik ez dute ikusten. Horrek ez luke historiaren parte bat ezabatzea ekarriko: "Ez luke historia ezabatuko, frankismoaren gorazarrea eraitsiko luke", diote. Eraikina botata, biktimen memoria gogora ekartzeko gunea sortuko lukete hor.
Azaroaren 15ean manifestaziorako deia egin dute Erorien Monumentua eraisteko eskatzen ari diren taldeek: 18:00etan aterako da monumentutik beretik.