Duela hilabete laugarren agintaldia hasi zuen Luis Sabalzak Osasunako presidente bezala. 2014az geroztik dago agintean, eta oraingoan ere automatikoki hartu du kargua; hauteskunderik gabe, alegia. Horren harira, irakurketa kritikoa egin du Osasunako peñak eta zaleak biltzen dituen Sadar Bizirik plataformak. Hauteskunde prozesuak «irekiagoa» izatea eskatu du, eta era berean, deitoratu du zuzendaritza taldean soilik soslai ekonomiko eta sozial zehatz bat duten pertsonak sartzen direla. Horren inguruan mintzatu gara Alberto Lopezekin.