Lantxotegi gizarte-inklusio osasuntsua bultzatzea, batez ere gazteen artean, helburu duen elkartea da. Gazte migratzaileen beharrei erantzunteko asmoz 2022an Kabia integrazio-programa martxan jarri zuen. Arantxa Caminos Garcia, elkarteko langilearen hitzetan, "migratzile gazte asko zeuden babes sarerik gabe, komunitatea edo hiria ez zuten ezagutzen eta kultura ere ez".
Errealitate honen aurrean, migratzaileen eta tokiko pertsonen arteko topaketak sustatzeko eta aisialdirako espazio amankomunak sortzeko helburuarekin garatu zuten proiektua. Hori lortzeko bidean hiru jarduera garatzen dituzte: harrera kuadrilak, pertsonen arteko loturak eraikitzeko lehen urrats gisa, tandem kulturalak eta topaketa komunitarioak. Sortu diren elkargune horietatik, hasiera batean aurreikusten ez zituzten, ekimen eta proiektu ezberdinak abiatu dira ere, haien artean, batukada edo antzerki taldea.