Foru Gobernuak aurten 240.00 euroko laguntza eman die IPES Fundazioko, COMFIN Nafarroako Berdintasunaren aldeko Emakumeen eta Feministen Erakundeen Koordinakundeko eta NUPeko emakumeen partaidetza politikoa eta soziala ikertu, ikusarazi eta sustatzeko hainbat jarduerari.
Nafarroako Berdintasunerako Institutuak hiru erakunde horiekin dituen hitzarmenak berritu ditu. Hitzarmenek zabalkunde, prestakuntza, ikerketa eta sare lanak aurreikusten dituzte. Emakumeen ahalduntzea eta emakumeek bizitzako hainbat esparrutan parte har dezaten sustatzeko xedea duten jarduerak dira indartutakoak.
Besteak beste, Silvia Fernández Viguera Emakumeen Dokumentazio Zentro eta Liburutegiaren funtsak mantentzea eta zabaltzea da helburuetako bat; 100.000 euro bideratuko dira Horretarako. 'Unidas somos más fuertes' emakumearen partaidetza soziopolitikorako proiektua bultzatzea; edota Genero Ikasketen eta Ikasketa Feministen Katedra sendotzeari bideratuko da.
Hiru erakundeek hitzartutako jarduerak gauzatzeko baliabide materialak eta giza baliabideak emateko konpromisoa hartu dute, bai eta jarduerak egin izana eta lotutako gastuak justifikatzekoa ere.