SANFERMINAK 2025

Sanferminetako eraso matxistak gaitzetsi dituzte kalean

Euskalerria Irratia 2025ko uzt. 14a, 09:56

Elkarretaratze jendetsua atzo emakumeenganako indarkeria salatzeko. Arg: @ehbildu

Pasa den ostiralean emakume batek salatutako intentsitate altuko eraso matxistaren aurrean, beste behin ere, Iruñeak erakutsi du ez duela bat bera ere onartuko: "Jaietan ere libre izan nahi dugu. Guk egiten dugun bezala, zuk ere ikasi emakumeok errespetatzen", adierazi du Amaia Zubietak Mugimendu Feministaren izenean.  Zezen plazatik isilean atera ziren peñak atzo eta bat egin zuten gainerako herritarrekin Gazteluko plazan. Milaka izan ziren bertaratutakoak ezein eraso sexistaren aurrean gaitzespena izanen dela erantzuna adieraztera.

Mugimendu Feministak, Iruñeko Udalak, Peñen Federazioak eta festaren inguruan dabiltzan beste zenbait kolektibok deitu zuten atzoko protesta. Pasa den hilaren 13an, Iruñeko etxe partikular batean sexu eraso bat gertatu da gaur goizaldean, Iruñeko Udaltzaingoak ezagutarazi duenez. Eraso hori «intentsitate handikoa» izan da, iturri horrek zehaztu duenez. Oraingoz ez dute inor atxilotu, baina erasoa ikertzen ari dira. Emakume batek eraso hori salatu du komisarian, eta modu horretan izan du Udaltzaingoak etxe horretan gertatutakoaren berri.

Zazpi indarkeria matxista kasu salatu dituzte gaur arte Iruñeko sanferminetan. Guztiak ukituengatik, ostiral goizaldekoa salbu. Guztira zortzi pertsona atxilotu dituzte indarkeria matxista leporatuta. Joseba Asiron Iruñeko alkateak argi esan zuen ez direla pozik egonen erasoak desagertzen ez diren bitartean.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!