Hiesaren Aurkako Komisioak Peñen Federazioarekin batera martxan jarri du sanferminetan sexu-harreman seguruak izateko kanpaina. Harreman atseginak, berdintasunean eta arriskurik gabeak sustatzeko.
Harreman “osasuntsuak eta onartuak” aldarrikatu nahi dituzte. "Goxo-goxo" lemapean abiatu dute kanpaina.
Gaixotasunen prebentzioa ez ezik errespetuan eta bikoteen arteko tratu ona da ezinbestekoa. Horretarako, informazio materialaz gain, Iruñeko taberna, peña eta jai-guneetan 30.000 antisorgailu banatuko dituzte.
Gogorarazi dute sexu bidezko infekzioen kopuruak gora egin duela azken urteotan. Izan ere, Nafarroan 759 kasu egon ziren 2019an eta 2024an ordea, kasuak bikoiztu eta 1.348 izan ziren. Hartara, kontzientziazioa eta prebentzio azpimarratu dute, batez ere, jai-giroko egunotan.