"Kalitatea" nabarmendu du Maider Beloki Kultura eta Jaietako zinegotziak, "lan eta maitasun osoz egindako kartela osatu dugu", azaldu du. Zentzu zabalean "aniztasunaren aldeko apustua" egin du Iruñeko Udalak eta emakumeen presentzia %54koa izango da aurten; euskararena presentzia ere handitzen ahalegindu dira.
Nazioartean eta estatu mailan jaialdietako kartel buru diren taldeak izango dira 2025eko sanferminetan. Halaber, bertako musika eszenari ere tartea bermatu diote Konpainia plazako arratsaldeetan.
Hauek izango dira Gazteluko plazako 2025eko San Fermin jaietako kontzertuak: Bulego, Tatxers, Kaotiko, Dupla, Zea Mays, Rozalén, Leire Martinez, OBK, Ladilla Rusa, Sara Socas, Cali y El Dandee, Villano Antillano eta Lia Kali.
Konpainiako plazako kontzertuen artean, goizetan askotariko doinuak eta nazioarteko taldeak izango dira oholtza gainean. Arratsaldetan, bertako musika eszenako taldeen txanda izango da: Kiliki, Janus Lester, Naxker, Bourbon Kings eta Mirari, besteak beste.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!