Zabalsanche auzo-elkarteak, bigarren zabalgunea auzo bihurtzeko ahaleginean, lehen aldiz jaiak antolatzen erabaki du. Auzo izaera kalera atera eta ospatu nahi dute, herritarrek parte har dezaten.
Ostiralean Gurutze Plazatik jaurtiko dute txupinazoa arratsaldeko 18:00etan, Goxo txarangaren doinuek girotuta. Larunbatean emakumezkoen eskupilota erakustaldia Zabalguneko Frontoi Pilotaplazan egingo dute, eta ondoren, bazkari herrikoia Gurutzeko Plazan. Ekitaldien artean jauziak, txarangak, dj-ak eta bestelako proposamenak prestatu dituzte.
Auzokideak ez ezik Iruñerriko biztanleei zabaldu diete jaietan parte hartzeko deia.
