Musikarien iritziak ezagutu nahi? Nola funtzionatzen duen musikaren industriak, agian? Ala besterik gabe, musika berria ezagutu nahi?
Hamabostean behin Martin Ziriza musikaria doinu artean bizi diren gonbidatuekin mintzatuko da. Bakarlariaren bidea gertutik ezagutu, pop erritmoetan murgildu, autogestioa landu, aldarrikapenak egin, makrojaialdietan jo, areto txikietan elkar ezagutu, zigiluak bisitatu, sintetizadoreak erabili, musika eszena eraldatu, edo besterik gabe, musikazale bat izan. Saio bakoitzean koska bat.
Lehenengo saioan Kiliki Frexko eta Saguxar musikariak izan ditu bidelagun. Ikusi, eta batez ere, entzun. Bideopodcasta Euskalerria Irratian eta Spotify plataforman egongo da ikusgai.
