Urteroko hitzordua dugu ate-joka, igandean izango da Iruinkokoa. Trapu zaharrak plazara ateratzen dituen Iruñeko inauteri euskalduna, aldarrikapen politikoz, umorez, musikaz eta kolorez josia. Gorputzarekin Komunikatzen diren koko-zuriak, antzerki jelkaldiak egiten dituzten koko-beltzak, bertsolariak eta musikariak.
Goizean goiz abiatuko da Iruñeko inauteria eta karrika inguruko geldialdi bakoitzean jatekoa eta edatekoa jaso, eta trukean, esker onean dantza eginen du Iruinkokoak. Eguerdi partean, Santa Ana Plazan izango da ekitaldi nagusia.
Antza, oraindik Iruinkokoak ez du Mañuetako frontoia estreinatuko, euririk ez baitago iragarrita iganderako. Halere, beharbada, Santa Ana Plazan egingo duten azkena izango da aurtengoa eta horixe bera ere izan daiteke antzezgai. Ibañezen aurreikuspena baina ez da hori, gaiak unera arte sekretuan gordetzen baitituzte. Igandean ikusiko dugu beraz zeintzuk diren Iruinkokoak garbituko dituen trapu zaharrak.
