Iruñerriko Mankomunitateak garraio ordenantza berria onartu du, Espainiako Garraio Ministerioak iragarritako laguntzak aplikatu eta tarifa berriak ezartzeko. Beherapen hauek urteko bigarren seihilekoan aplikatuko dira. Hauek dira neurriak: garraio publikoaren erabilera doakoa izanen da 5-14 urte bitarteko haurrentzat, eta % 50ekoa 30 urte arteko gazteentzat; bost urtetik beherako haurrek, orain artean bezala, ez dute ordainduko.
Iruñerriko Mankomunitatearen aurreikuspenen arabera, 20.000 haur inguruk jaso dezakete laguntza eta txartelen eskaera pilaketa saihesteko, baliteke eskuratzea data aurreratzea San Fermin jaiek eragiten duten mugimendua dela eta.
Gainontzeko tarifa orokorrei dagokienez, txartelarekin ordaindutako bidaietan deskontua mantenduko dute, baina uztailetik aurrera %40koak izanen da. Hala, hauek izango dira tarifak: eguneko tarifa orokorra 0,50 euro; gauekoa, 0,73 eurokoa; 65 urtetik gorakoek eta desgaitasun handiren bat dutenek 0,23 euro ordainduko dituzte; familia ugariek eta guraso bakarrekoek, 0,35; eta gizarte bazterketa jasaten dutenek 0,12 euro.
