Otsailak 3, San Blas eguna, eta Iruñeko ohiturari jarraiki San Nikolas plazan hogei postu jarri dituzte. Gozokiak, pastak eta opilak egongo dira salgai, besteak beste. Goizeko 09:00etan zabalduko dute azoka eta 20:30ak arte egongo dira zabalik postuak.
Prozesioa goizean abiatuko da eta 09:45ean produktuak santuaren prozesioan bedeinkatuko dituzte. Ordu laurden geroago, 10:00etan, meza hasiko da San Nikolas elizan.
Arratsaldean berriz, Duguna Iruñeko dantzari taldeak soka-dantza dantzatuko du Sarasate pasealekuan, 19:30ean. Urtean bitan egiten dute soka-dantza, San Blas egunean eta San Juan egunean. Gaurkoan, inauteri kutsuarekin. Aurpegia antifazekin estalita, buruan eta bularrean koloredun zapiak, eta inguruan hartzak eta bere zaindariak, inauterien hasiera iragarriz.