Nahi baino irregularrago dabil Osasuna Espainiako Federazioaren Lehen Mailan, eta taldea indartzeko helburuarekin, bi jokalari fitxatu ditu orain arte: Naroa Sarriegi alde batetik, eta bisitan izan dugun Irati Igoa bestetik. Etxarri-Aranatzkoa da Igoa, eta iazko udan Osasunaren harrobira iritsi zen. Bada, bertan hilabete gutxi batzuk egin ostean, talde nagusian aritzeko deitu dute. Eta ez hori bakarrik: bizkarrean 10 zenbakia eramateko aukera eman diote. Hainbat urtez futbola eta pala uztartu ditu, eta azkenean, baloia hobetsi du pilotaren aurretik.
