2017tik Golem Bayona eta Golem Yamaguchi zinematara euro baten truke joateko bonuak eskaintzen ditu Iruñeko Udalak. Abenduaren 16tik urtarrilaren 7ra arte erabili daitezke asteko edozein egunetan eta 1.500 sarrera egongo dira eskuragarri.
14 eta 30 urte bitarteko gazteek eskuratu ahal dituzte sarrerak. Iruñean erroldatuta egon behar dute edo bertan bizi direla egiaztatu behar dute. Asteartean, abenduaren 10ean arratsaldeko 16:00etatik aurrera lortu daitezke Gazteriaren Etxera gerturatuta eta, nahiz eta azken urteotan eskaintzan handitu den, bi egunetan bukatu ohi dira txartelak. Beraz, txartelak eskaera-hurrenkeran entregatuko dira, amaitu arte.
Edozein saio eta filmetarako balio dute txartelak, jatorrizko hizkuntzan ematen direnak barne, baina ez dute balio 3Dko proiekzioetarako.
