Aimar Elosegi Ansa "Moio", trans mutikoa, Kattalin Minerren lagun mina, bere buruaz beste egin zuen Hernanin 2007ko apirilaren 23an. Bere heriotzak gure gizartean oso errotuta zeuden bi tabu hautsi zituen: suizidioa eta trans izatea.
Moioren omenezko ekitaldiak egin ziren urte luzez eta elkartasuna eta babesa helarazi zitzaion familia eta senideei, baina gero “normaltasuna” itzuli zela dio Minerrek. Hamar urte geroago, Minerrek bere dolu pertsonala eta kolektiboa berrikusteko beharra sentitu zuen eta horren emaitza da Moio liburua.
Moioren ingurukoen testigantzekin eta lagun baten oroimenari justizia egin nahi dionaren idazkera ausart eta zintzoarekin idatzi zuen liburua euskaraz Minerrek eta horixe izango dute aztergai Iraikurlen.
Liburuari esker trans pertsona bat izatea eta suizidioaren tabuak zabalduko dituzte berriz ere taldean, Aitor Alonso LGTBI+ aktibistaren gidaritzapean. Edonork parte hartu dezake saioan baina ezinbestekoa da aldez aurretik izena ematea. Telefonoz 948226326 edo 699384965 zenbaietan egin daiteke edota korreoz harrotu@pamplona.es helbidean.
