'Huntaz eta hartaz' arituko dira Ruper Ordorika eta Joseba Sarrionandia Nafarroako Antzerki Eskolan

Bidane Beloki Ezker 2024ko urr. 18a, 08:50
Deskargatu Info Ahotsak :

Ordorika eta Sarrionandia Euskal Etnopoloaren 2022-2023ko mintegiaren karietara antolatuko mintzaldian. (Argazkia: Euskal Kultur Erakundea)

Karrikirik antolatuta emanaldia egingo dute urriaren 25ean, arratsaldeko 19:30ean. Solasaldi eta kontzertu baten arteko uztarketa egingo dute bi artistek oholtza gainean elkarrekin izandako bizipenak oinarri.

Bilboko unibertsitatean 1977an elkar ezagutu zuten Ruper Ordorikak eta Joseba Sarrionandiak. Orain, giro intimoan, etxeko egongelan baleude bezala, elkarrekin izandako bizipenetan oinarrituko dira. Ordorika eta Sarrionandia hainbat gairen inguruan solasean arituko dira Huntaz eta hartaz emanaldian.

Bi artistek ordu eta erdi inguruko saioa egingo dute oholtza gainean eta emanaldia kontzertu eta solasaldi arteko formatu bat da.

Nafarroako Antzerki Eskolako eszenatokian egingo dute bat Ordorika eta Sarrionandia arratsaldeko 19:30ean. Sarrerak dagoeneko eskuratu daitezke hamabost euroan, leihatilan zein online.

Kultura Iruñea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea