Euripean elkartu dira Iruñeko Udaletxe plazan elkarte memorialistiko, sindikatu eta gizarte eragileetako kideak, eskariaren erregistroa egiteko. Bakoitza eskutan kartel bat, herri bakoitzeko memoria elkarteenak, UGT kenduta Nafarroako sindikatu guztienak, mugimendu feministakoak, Iruñeko Peñetakoak… Guztiek bat egin dute eraispenaren eskarian. “Memoria Demokratikorako legeak argi uzten du Frankismoari gorazarre egiten dion monumentu, eraikin eta estatuarik ezin dela egon gure hirietan” azaldu dute, “Iruñeko Erorien monumentua, frankismoaren basakerietan parte hartu zutenak gogoratzeko eraiki zen eta biktima izandakoen kalterako”. Iruñeko Alkate Joseba Asiron eta Memoria kontseilari Ana Ollorekin bildu dira. “Kontsentsua aipatu dute behin eta berriz baina argi erantzun diegu, Memoria demokratikoaren legea kontsentsuz egin zen eta araua argia da, ezin da horrelako eraikinik onartu” azaldu dute. Aurrekontuen eztabaida abiatu denean, eraispen proiektua hasteko diru partida onar dezatela eskatu dute taldeek.
Erorien monumentua eraistea galdegin dute memoria elkarte, sindikatu eta eragile sozialek
Eskari ofiziala erregistratu dute Iruñeko Udalean. Memoria Demokratikorako legea eskutan, eraikina eraisteko arrazoi nahikoak daudela azaldu dute.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
