The Champions Burguer ekimena astebetez izan da Iruñeko Runa parkean. Antolatzaileen arabera, 150.000 lagun igaro dira parketik, hanburgesak jateko.
Joan den ostiralean, Iruñerriko Laneko Autodefentsa Sareak eta The Champions Burguerreko zenbait langilek protesta egin zuten Runan bertan, antolatzaileak ezartzen ari ziren lan baldintzak salatzeko.
🔴 The Champions Burguerrek ezartzen dituen lan-baldintza miserableak salatzen dituzten langileak kaleratu ditu.
— Iruñerriko Laneko Autodefentsa Sarea (@autodefentsare) September 30, 2024
Amaia dezagun enpresarien inpunitatearekin!
🔴The Champions Burguer ha despedido a los trabajadores que denuncian las miserables condiciones que impone el evento. pic.twitter.com/XqviWweUEr
Azaldu zutenez, langileei Valentziako ostalaritza lan hitzarmena aplikatu diete eta hala Nafarroakoaren arabera zegokien soldataren erdia ordaindu diete (8 euro orduko). Horretaz gain, langileek ez dute inolako plusik jaso jai egunetan eta igandeetan lan egiteagatik. Beharginek, bestalde, 22:00etatik 6:00ak arte lan egin dute, gauez lan egiteagatik osagarririk jaso gabe. Halaber, sei orduan behin zegokien hamabost minutuko atsedena ukatu diete.
Laneko Autodefentsa Sareak atzo zabaldu zuen informazioaren arabera, ostiraleko protestan parte hartu zuten langileak kaleratu egin ditu The Campions Burguerrek. Laneko Autodefentsa Sareak aldarrikatu du enpresarien inpunitatearekin amaitu beharra dagoela.
