Hala da bai. UNEDek hizkuntzak ikastea sustatu nahi du, ikasleen beharretara egokitutako prestakuntzaren bidez, eta aurten, lehen aldiz, euskararen aldeko apustua egin du.
2024-2025 ikasturtean, euskarazko aurrez aurreko eskolak emango dituzte oinarrizko mailak ikasteko; A1 eta A2 mailak dira eskainiko dituztenak. Asteazkenetan izango dira klase presentzial horiek eta ordu eta erdiko iraupena izango dute; A1 maila 18:00etatik 19:30era eta A2 maila 19:00etatik 20:30era. Euskaraz gain, ingelesa ikasteko klaseak ere daude aukeren artean, aurrez aurre zein online.
Edozein hizkuntzatan ikasteko izena eman daiteke dagoeneko. Epea zabalik dago eta urriaren 22ra arte egin daiteke matrikula UNED Iruñearen webgunean.
