Agur eta ohore Chill Mafia. Taldeak Agur eta ohore x allá va la despedida albuma kaleratuko duten azkena izango dela iragarri du Gaztea Irratian. Azken bira ere izanen dute, publikoaz agurtzeko.
Puta Ripagaña eta Mus Corrido kantak kalean ziren dagoeneko eta hauek ere biltzen ditu EPak. Bilduman ere, Gontzal Mendibilen Merezi ote abestia bertsionatu dute eta Nerve Agent izan dute bidelagun Hombre Clavo abestian. Bederatzi kanta dira guztira eta hauek zein orain arte kaleratutakoak entzuteko azken paradak izanen dira azken biran.
Kontzertuak Gasteizen (Jimmy Jazz, urriak 31), Logroñon (La Fundición, azaroak 1), Errenterian (Lekuona, azaroak 11), Iruñean (Zentral, abenduak 25), Bilbon (Kafe Antzokia, urtarrilak 3), Madrilen (La Riviera, otsailak 26) eta Bartzelonan izanen direla iragarri dute.
Chill Mafia kolektiboa Gazte arruntaren koplekin ezagutu genuen. Lagun taldea, abeslariak, produktoreak, eta oro har, musika eszena eraldatu duten taldekideak dira.
