Dorrea eraikitzeaz bukatu aurretik iritsi zen kanpaia Iruñera. Mugitu ezin dago ordutik. "Espainiako gainerakoekin alderatuta, jotzen den handiena da. Toledokoa handiagoa da, baina hondatua dago. Europan ere handienetakoa da", azaldu du Javier Mangado ezkila jotzaileak. "Bi lagunen artean jo behar da eta ezin da bolteatu.10 tonako pisua du", esan du.
Iruñeko katedraleko ezkila urtean 45 aldiz jotzen dute. "Igarleak gara. Txupinazioa baino lehen guk iragartzen dugu hori. Besten bezperak iragartzen ditugu. Sanfermin egunean ere jotzen dugu. Gero, ez dugu beste funtziorik festa hauetan", adierazi du Mangadok. Sanferminetaz haratago festa nagusietan, Elizarekin loturikoetan… jotzen da ezkila. Urrian esaterako astero jotzen dela jakinarazi du.
Bisita gidatuak ere egiten dituzte. "Interesa duenak katedralera hurbildu eta galdetzea dauka: museoak antolatzen ditu bisitaldiak. Sarrerak bertan eskuratu daitezke. Bi dorreak eta beste hainbat toki eta instalazio bisita daitezke. Egunero egiten dira, sanferminetan ez beste egunetan", ohartarazi du Mangadok.
