Iruñeko alde zaharreko bizilagunek bihar, maiatzaren 25ean auzoko eguna ospatuko dute, auzoak berak antolatuta, auzoarentzat eta auzolanean. Aste osoan zehar kultur jarduerak antolatu dituzte, erakusketak, hitzaldiak, krosa eta bisitak tartean. Eta bihar, egun osoko egitarau zabalarekin eta adin guztiendako jarduerekin ospatuko dute auzoko eguna.
Leticia Molina Alde Zaharreko jai batzordeko kideak azaldu bezala "auzokideei begira dauden ekimemank prestatu ditugu". Txikientzako puzgarriak, herri bazkaria edota bertako artisauen azoka izango dira programazioaren baitan.
Eta Molinak adierazi du eguerdiko 12:30ean "auzokoendako unetxo berezia" izango dela, Jito Alaien auzoko argazkia eginen dute eta. Erraldoiekin, eragile kulturalekin, eta noski, auzokideekin batera aterako dute urteroko argazkia. Alde Zaharreko auzoaren sendotasuna aldarrikatzeko Molinak adierazi bezala. Hamabost txokotan banatu dute antolatutakoa eta goizean goizetik Joaldunen doinuekin abiatuko dute jaia.
